Yanan bina yanğınsöndürənlərin üzərinə çökdü - VİDEO

Türkiyənin Yeni Mahallesi Eski Hükümet Caddesinde yerləşən iki mərtəbəli bir evdə səhər saatlarında alov baş verib. Alovlar yaxınlıqdakı digər iki evə də sıçrayıb.

Sonxeber.az türk mediasına istinadən xəbər verir ki, ətrafdakılar tərəfindən bildirilən hadisə yerinə dərhal yanğınsöndürənlər, tibbi yardım və polis qüvvələri göndərilib.

Alovları söndürmək üçün işlər aparılarkən, müdaxilə edən iki yanğınsöndürən düşən taxta materiallar nəticəsində yaralanıb.

Yaralılar təcili tibbi yardımla xəstəxanaya çatdırılıb, alov isə bir saatlıq əməliyyatla söndürülüb. Üç ev istifadə edilə bilməz hala gəlib, lakin yaralıların vəziyyətinin yaxşı olduğu bildirilib.

Yanğın zamanı yanğınsöndürənlərin müdaxiləsi əsnasında binadan ayrılan taxta divar, M.T. və G.B. adlı iki yanğınsöndürənin üzərinə düşüb. Hadisə bir vətəndaşın telefon kamerası ilə çəkilib. Görüntülərdə evin girişində dayanan yanğınsöndürənlərin üstlərinə düşən taxta divarın altında qaldığı, yalnız bir əməkdaşın son anda qaçdığı dəqiqələr yer alıb.

Yanğınla bağlı istintaq başlanıb.

Telegramda izləyin