Motosikletlə avtomobil toqquşdu, iki nəfər havaya sovruldu - VİDEO

Türkiyənin Hatay vilayətinin Antakya rayonuna bağlı Odabaşı məhəlləsində dəhşətli yol-nəqliyyat hadisəsi baş verib.

Sonxeber.az türk mediasına istinadən xəbər verir ki, yolda hərəkətdə olan minik avtomobili qarşı istiqamətdən gələn motosikletlə üz-üzə toqquşub.

Güclü zərbənin təsirindən motosiklet avtomobilə çırpılıb, üzərində olan iki nəfər isə metrlərlə havaya qalxaraq yerə düşüb və müxtəlif dərəcəli bədən xəsarətləri alıblar. Hadisəni görən ətraf sakinləri dərhal 112 Təcili Yardım Mərkəzinə məlumat veriblər.

Qısa müddətdə hadisə yerinə gələn təcili tibbi yardım və polis əməkdaşları yaralılara ilkin tibbi yardım göstərərək onları xəstəxanaya aparıblar.

Yaralıların vəziyyətinin qənaətbəxş olduğu bildirilir. Qəza anı ərazidəki təhlükəsizlik kamerası tərəfindən saniyə-saniyə qeydə alınıb. Faktla bağlı araşdırma aparılır.

Telegramda izləyin