Başqaları ilə yazışan arvadını ürəyindən vurdu

Rusiyanın Tümen vilayətində kişi başqaları ilə yazışdığı üçün arvadını sinəsindən bıçaqlayıb.

Lent.az yerli mediaya istinadla bildirir ki, mayın 17-də Yevgeni həyat yoldaşı Nadejda ilə atasının evində olub. Qonaqlıq zamanı ər arvadının telefonunda başqa kişilərlə yazışmaları aşkar edib və bu barədə ondan soruşmağa başlayıb.

Ər-arvad arasında mübahisə başlayıb, qayınata kürəkənini evdən qovmaq istəyib. Yevgeni getməzdən əvvəl bıçaq götürərək Nadejdanın otağına girib və onu döş nahiyəsindən bıçaqlayıb.

Zərərçəkmiş qışqırıb və yaxınları hadisə yerinə qaçıblar. Onlar Yevgeni zərərsizləşdirərək yerə yıxıblar, daha sonra polis və təcili yardım çağırıblar.

Həkimlər qadına ürək zədəsi diaqnozu qoyublar ki, bu da ağır bədən xəsarəti hesab edilir.

Kişi günahını inkar etməyib və barəsində iyulun 17-dək həbs qətimkan tədbiri seçilib. Faktla bağlı Cinayət Məcəlləsinin 111-ci maddəsinin 2-ci hissəsinin "z" bəndi ilə cinayət işi açılıb, araşdırma aparılır.

Telegramda izləyin