Tramp məhkəmə vasitəsilə Təhsil Departamentini ləğv etmək istəyir

ABŞ Prezidenti Donald Tramp administrasiyası ölkənin Təhsil Departamentinin ləğv olunması prosesinə başlanmasına icazə verilməsi xahişi ilə Ali Məhkəməyə ərizə ilə müraciət edib.

Oxu.Az xəbər verir ki, bu barədə "Reuters" agentliyi məlumat yayıb.

Bildirilir ki, bu qərar təhsil siyasəti üzərində nəzarətin ştatlara və yerli hakimiyyət orqanlarına keçməsinə səbəb ola bilər.

Təhsil Departamenti ölkədə 100 minə yaxın dövlət və 34 min özəl məktəbə nəzarət üzrə məsuliyyət daşıyır.

Eyni zamanda, dövlət məktəblərinin maliyyələşdirilməsinin 85 faizdən çoxu yerli və ştat hakimiyyət orqanları tərəfindən təmin olunur.

Trampın departamenti ləğv etmək cəhdləri onun federal hökumətin kiçildilməsi və yenidən təşkili üzrə daha geniş kampaniyasının bir hissəsidir.

Telegramda izləyin