Qeyri-adi hadisə! Bahalı maşınını dörd ədəd quşla dəyişdi!

Ankarada baş verən maraqlı mübadilə hadisəsi görənləri heyrətə gətirib.

Sonxeber.az türk mediasına istinadən xəbər verir ki, bir vətəndaş özünün dəbdəbəli BMW markalı avtomobilini 4 quşa dəyişib.

Görənlər tərəfindən heyrətlə qarşılanan hadisə bəzi istifadəçilər tərəfindən sərmayə kimi qiymətləndirilsə də, əksəriyyət bu dəyişikliyi yumoristik şəkildə şərh edib.

Xüsusilə, "Quşlar qızıl yumurta qoymasa, böyük problem var" şərhi hadisənin ən çox paylaşılan cümləsi olub.

Sözügedən quşların növü və onların bazar dəyəri ilə bağlı heç bir açıqlama verilməsə də, hadisənin bəzi şahidləri quşların nadir və yarışmalarda mükafat qazanan cinslər ola biləcəyi fikrini irəli sürüblər.

Telegramda izləyin