Festivalda vaxtı keçmiş məhsullar aşkarlanıb – İctimai nəzarət orqanının nümayəndəsi gizli etiketi ifşa etdi

Bilecikdə keçirilən "Kuymak Festivalı" zamanı ictimai nəzarət orqanının nümayəndələri tərəfindən aparılan yoxlamalar zamanı bir sıra ciddi pozuntular aşkarlanıb.

Sonxeber.az türk mediasına istinadən xəbər verir ki, yoxlama zamanı açıqda satılan doldurma, tomat və etiketsiz məhsullar satışdan yığışdırılıb. Beypazarı kurusu adlı məhsulun üzərindəki etiketin altında keçmiş tarixli ikinci etiket olduğu ortaya çıxıb.

Digər bir stenddə isə dana əti loqosu ilə təqdim edilən kolbasaların əslində toyuq ətindən hazırlandığı məlum olub. Satıcılara xəbərdarlıq edilib və məhsulun qarşısına "toyuq kolbasası" yazılması tələb olunub.

İctimai nəzarət orqanının nümayəndəsi bildirib ki, bütün vaxtı keçmiş məhsullar satışdan yığışdırılıb və məhv edilib. Vətəndaşlara isə alış-veriş zamanı məhsulun tərkibinə, son istifadə tarixinə və çəkisinə diqqət etmələri tövsiyə olunub.

Telegramda izləyin