Müdirinə telefonunu verdi, görün sonra nə oldu

Türkiyədə bir qadını bir iş yerinin sahibi tərəfindən aldadılıb.

Sonxeber.az türk mediasına istinadən xəbər verir ki, hadisə Nilüfer rayonunda baş verib.

Belə ki, 38 yaşlı B.Çakır internetdəki iş elanlarına müraciət edib və bir iş yerində işə başlayıb. İddialara görə, bir müddət sonra iş yerinin sahibi A.B. (47) Çakırdan "kredit limitini artıraq" deyərək telefonunu istəyib. Gənc qadın telefonunu təhvil verib və müdir 2-3 saat sonra telefonu qaytarıb.

İşdən sonra evə qayıdan B.Çakır mobil telefonuna ondan xəbərsiz müxtəlif bankların mobil proqramlarının yükləndiyini və hesablarından külli miqdarda pulun köçürüldüyünü görüb.

Ətraflı polis araşdırmasından sonra müəyyən edilib ki, qadının müdiri A.B. onun telefonu vasitəsi ilə öz hesabına cəmi 817 min lirə köçürüb.

Polis dərhal şübhəli A.B'ni nəzarətə alıb. Polis bölməsində aparılan əməliyyatlardan sonra A.B. məhkəmə binasına göndərilib və o, məhkəmə tərəfindən həbs edilərək həbsxanaya göndərilib.

Hadisə ilə bağlı araşdırmalar davam edir.

Telegramda izləyin