Səhiyyə məntəqəsinin qarşısındakı görüntü vətəndaşları hiddətləndirdi - VİDEO

Kahramanmaraşın Sümer məhəlləsində yerləşən bir səhiyyə məntəqəsində qutu-qutu maska və tibbi avadanlıqların zibilə atılması cəmiyyətdə narazılıq yaradıb.

Sonxeber.az türk mediasına istinadən xəbər verir ki, həmin anları mobil telefonla çəkən bir vətəndaş həm təəccübünü, həm də qəzəbini ifadə edib.

Görüntülərdə səhiyyə məntəqəsinin ətrafındakı tullantı sahəsinə atılmış istifadə olunmamış maskalar, əlcəklər, təcili yardım düymələri və bir sıra tibbi cihazlar görünür. Videonu çəkən şəxs bildirib: "Bir neçə dəfə səhiyyə məntəqəsinə getmişdik. Nə mənə, nə də anama bir dənə də maska vermədilər. İndi isə hamısını zibilə atıblar. Bir sürü cihaz alıb atıblar."

Sosial şəbəkələrdə yayılan görüntülər qısa zamanda geniş əks-səda doğurub. Bir çox istifadəçi dövlətin ictimai sağlamlıq üçün göndərdiyi ləvazimatların istifadə olunmadan zibilə atılmasını "israf" və "ictimai əmlaka zərər" kimi qiymətləndirib. Vətəndaşlar məsələ ilə bağlı aidiyyəti qurumların araşdırma aparmasını və məsul şəxslərin cavab verməsini tələb edirlər.

Telegramda izləyin