"44 günlük Vətən müharibəsində Azərbaycan Ordusu dünyaya əsil müharibə mədəniyyətini nümayiş etdirdi" - DEPUTAT

"44 günlük Vətən müharibəsində düşməni döyüş meydanında darmadağın edərək qısa müddətdə ərazi bütövlüyümüzü bərpa edən Müzzəfər Azərbaycan Ordusu bu gün istənilən vəzifəni yüksək səviyydə icra etmək iqtidarındadır".

Bunu Sonxeber.az-a danışan deputat Cavanşir Paşazadə deyib.

Deputat qeyd edib ki, Azərbaycan Ordusu bu gün dünyanın 50 ən güclü ordusundan biridir:

"Azərbaycanda Ordusunun gücü, peşəkarlığı ilbəil artmaqdadır. Azərbaycan xalqı tarixin ən ağır sınaqlarından üzüağ və şərəflə çıxıb. Xalqımızın məğrurluğunu bir daha dünyaya nümayiş etdirən rəşadətli Azərbaycan ordusu ermənilərin illərdir yaratdığı mifi darmadağın etdi. Ordumuz 44 günlük Vətən müharibəsində və 2023-cü ilin sentyabrında həyata keçirilən antiterror əməliyyatında Azərbaycan Ordusu peşəkarlığı, şücaəti ilə tarix yazdı.

İyunun 26-da, Silahlı Qüvvələr Günündə Müzəffər Ali Baş Komandan İlham Əliyev Kəlbəcərdə və Laçında oldu, bir güllə belə atılmadan azad edilən bu torpaqlardan Ermənistana və ona havadarlıq etməkdə davam edən dövlətlərə mesajını çatdırdı.

Artıq 2 ildir ki, 26 iyun - Silahlı Qüvvələr Gününü qalib xalqın nümayəndəsi kimi qeyd edirik.

Cənab Prezident İlham Əliyev xalqla və hərbçilərlə görüşdəki nitqində tezliklə ərazi bütövlüyümüzü bərpa edəcəyimizi və 30 il həsrətində olduğumuz torpaqlara qovuşacağımızı daim söyləyirdi. Bu da səbəbsiz deyildi. Çünki cənab Prezident İlham Əliyev dövlət başçısı seçildiyi gündən ordu quruculuğu sahəsində çox mühüm addımlar ataraq, Silahlı Qüvvələrin maddi-texniki təchizatının yenilənməsi, müasir infrastrukturun yaradılması, hərbi qulluqçuların sosial müdafiəsi, mənzil təminatının yaxşılaşdırılması, eləcə də müdafiə sənayesinin inkişaf etdirilməsi kimi məsələləri daim xüsusi diqqət mərkəzində saxlayıb. Məhz ordu quruculuğu və silahlı qüvvələrimizin döyüş qabiliyyətinin artırılması istiqamətində görülən işlər sayəsində 44 günlük Vətən müharibəsində düşmən üzərində möhtəşəm zəfər əldə etdik".

Deputat vurğulayıb ki, son iki illər ərzində baş verənlərə nəzər salsaq görərik ki, 44 günlük Vətən müharibəsində Azərbaycan Ordusu dünyaya müharibə mədəniyyətini nümayiş etdirdi:

Bu gün yaranmasının 107-ci ilini qeyd etdiyimiz rəşadətli Azərbaycan Ordusu Vətən müharibəsində, istərsə də antiterror əməliyyatları zamanı mülki əhaliyə zərər vermədi. Əksinə bu istiqamətdə bütün zəruri addımlar atıldı. İstər hərbi əməliyyatların həyata keçirilməsi, istərsə də humanitar məsələlərin həlli baxımından əsl nümunə sərgiləyən Azərbaycan Ordusu real döyüş əməliyyatlarında öz sözünü demiş, özünü təsdiq etmiş ordudur.

Bu gün ordumuz 2020-ci ildə olduğunundan daha da güclüdür. Müzəffər Ali Baş Komandan İlham Əliyevin qarşıdakı illərdə müəyyən etdiyi əsas vəzifələrdən biri silahlı qüvvələrimizin daha da gücləndirilməsidir. 30 ilə yaxın həsrətində olduğumuz torpaqlarımıza qovuşduran Ali Baş Komandana və Azərbaycanın Müzəffər Ordusuna təşəkkür edirəm. Şəhidlərimizə rəhmət, qazilərimizə isə şəfa diləyirəm".

Telegramda izləyin