13 yaşlı uşaq məktəbdə voleybol dirəyinin üstünə yıxıldı

Mersində 13 yaşlı şagird məktəb həyətində asılmış voleybol dirəyinin üzərinə yıxılaraq ağır yaralanıb.

Sonxeber.az türk mediasına istinadən xəbər verir ki, yıxılan 13 yaşlı şagird kapilyar beyin qanaması, kəllə travması və beyinə hava sızması diaqnozu ilə xəstəxanaya çatdırılıb.

Uşaq beş gün reanimasiyada qalıb. O ümumi 13 gün xəstəxanada müalicə olunduqdan sonra evə buraxılıb.

Uşağın anası oğlunu şəxsi avtomobili ilə xəstəxanaya aparan məktəb direktorunun mağazaya girmək üçün yolda dayandığını iddia edərək, hadisədə səhlənkarlıq edənlər barəsində şikayət edib.

Hadisə araşdırılır.

Telegramda izləyin