Gənə təhlükəsi gündəmdə: Sosial şəbəkələrdə yayılan görüntü narahatlıq doğurdu - VİDEO

Dezinfeksiya işi ilə məşğul olan bir şəxs, getdiyi ünvanda rastlaşdığı kəskin gənə çoxluğunu mobil telefonla çəkərək sosial mediada diqqət çəkən bir paylaşım edib.

Sonxeber.az türk mediasına istinadən xəbər verir ki, "Bura şəhərin mərkəzi hissəsidir. Oturduğunuz yerlərə diqqət yetirin" sözləri ilə paylaşılan görüntüdə çəmənliklər və yer səthi gənələrlə örtülü vəziyyətdə açıq-aşkar görünür.

Qısa müddətdə sosial şəbəkələrdə gündəmə çevrilən bu kadrlar xüsusilə uşaqlı ailələr və açıq havada vaxt keçirən vətəndaşlar üçün xəbərdarlıq xarakteri daşıyıb.

Mütəxəssislər gənə hallarının yalnız kənd yerlərində deyil, iri şəhərlərin mərkəzi bölgələrində də rast gəlinə bildiyini bildirirlər. Xüsusilə yaşıl ərazilər, parklar və bağlar gənələr üçün əlverişli mühit yaradır. Yüksək temperatur və rütubətin təsiri ilə yay aylarında gənə populyasiyasında artım müşahidə olunur.

Rəsmilər vətəndaşları diqqətli olmağa çağırır.

Telegramda izləyin