Həyat yoldaşını bıçaqladı, köməyə gələn təcili tibbi yardım maşının önünü kəsdi

Çanaqqalada Eren Kılıçarslan adlı kişi boşanma prosesində olduğu həyat yoldaşı M.K.-ya küçənin ortasında 12 bıçaq zərbəsi vurub.

Sonxeber.az türk mediasına istinadən xəbər verir ki, hadisə Çanaqqaladan Lapseki rayonunun Umurbey qəsəbəsində baş verib. Belə ki, Eren Kılıçarslan boşanmaq üzrə olduğu həyat yoldaşı M.K -ni təqib etməyə başlayıb. O qadına yaxınlaşaraq ona 12 bıçaq zərbəsi vurub.

Bölgədəki vətəndaşların xəbəri üzərinə hadisə yerinə gələn təcili tibbi yardım qruplarının müdaxiləsindən sonra qanlar içində yerdə uzanan M.K. təcili tibbi yardım maşını ilə xəstəxanaya aparılıb.

Araşdırma zamanı Eren Kılıçarslanın həyat yoldaşı M.K-nı aparan təcili yardımın qarşısını almağa çalışdığı məlum olub. Polis tərəfindən saxlanılan şübhəli Eren Kılıçarslan əməliyyatlardan sonra gətirildiyi məhkəmə tərəfindən həbs edilib. Xəstəxanaya yerləşdirilən qadının vəziyyətinin yaxşı olduğu bildirilib.

İstintaq davam edir.

Telegramda izləyin