Şübhəli həbs olunmamaq üçün qaçarkən polisə atəş açdı

Sakaryada cinayətkar polisə atəş açıb.

Sonxeber.az türk mediasına istinadən xəbər verir ki, hadisə Sakaryanın Adapazarı rayonunda baş verib.

Belə ki, polis və çoxlu cinayət qeydləri olan və haqqında həbs qərarı çıxan şübhəlini təqib etməyə başlayıb. Bu zaman o, polis qruplarına atəş açıb və qaçaraq mağazada gizlənib.

Atışma zamanı ayağından güllə yarası alan şübhəli silahı başına dayayaraq intihara cəhd edib. Polislər onu fikrindən daşındırmaq üçün 6 saat çalışıblar. Nəhayət onu bu fikrindən döndərmək mümkün olub.

Şübhəli polisə təslim olub.

İstintaq prosesi davam edir.

Telegramda izləyin