"Min iki yüz söz bəs edər" - Bakı sakinləri övladlarının Çin dilini öyrənməsini istəyirlər? - VİDEO

Son günlər Azərbaycanda Çin dilinin tədris edilməsi ilə bağlı məsələlər müzakirə edilir.

Oxu.Az mövzu ilə əlaqədar Bakı şəhər sakinlərinin fikirlərini öyrənib.

Sakinlər arasında keçirdiyimiz sorğu zamanı məlum oldu ki, vətəndaşların böyük bir qismi övladlarının Çin dilini öyrənməsini istəyir, bu addımı müsbət töhfə kimi qiymətləndirir.

Çin dili müəllimi, tərcüməçi Leyla Şahmurlu Oxu.Az-a açıqlamasında qeyd edib ki, hazırda ölkəmizdə Çin dilinə tələbat çoxdur.

Onun sözlərinə görə, Azərbaycan və Çin dillərinin qrammatikası oxşardır, təxminən 1 200 söz bilməklə Çin dilində məişət səviyyəsində ünsiyyət qurmaq mümkündür.

Təhsil eksperti Ramin Nurəliyevin fikrincə, Çin dili Azərbaycan təhsil sisteminə yad deyil, lakin hazırda bu istiqamətdə tədrisin aparılması üçün təcrübəli mütəxəssislər azdır.

O vurğulayıb ki, Çin dili geniş arealda rus dilini üstələyib.

Çin vətəndaşı Sin Fon Oxu.Az-a söyləyib ki, iki dövlət arasında qarşılıqlı əlaqələr yüksək səviyyədədir:

"Çinlilərin Azərbaycana gələrək dilinizi öyrənməsi, eyni zamanda, azərbaycanlıların Çinə gedib dilimizi öyrənməsi həm iqtisadi münasibətlər, həm də kommunikasiyanın inkişafı baxımından müsbət addım olar".

Ətraflı - videosüjetdə:

Telegramda izləyin