"2026-cı ilin Şuşa şəhərinin "ECO-nun Turizm paytaxtı" elan edilməsi bizi qürurlandırdı" - DEPUTAT

"İqtisadi Əməkdaşlıq Təşkilatının (ECO) 17-ci Zirvə görüşünə Azərbaycanın ev sahibliyi etməsi və belə bir mühüm tədbirin Xankəndində keçirilməsi Azərbaycanın sülhə, inkişafa və regional inteqrasiyaya sadiqliyinin sübutudur".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, ECO-nın 17-ci Zirvə görüşünün Xankəndidə keçirilməsi bu tarixi şəhər üçün yeni səhifə açmaqla yanaşı həm də 30 illik işğal və postmünaqişə dövrünün reallıqlarının beynəlaxalq ictimaiyyətə çatdırılmasına geniş imkanlar yaratdı:

"Dövlət başçısı cənab İlham Əliyev Zirvə görüşündəki çıxışında vurğuladığı kimi Azərbaycan artıq üçüncü dəfədir ECO-nun Zirvə görüşünə ev sahibliyi edir:

"Bilirsiniz ki, 2006-cı və 2012-ci illərdə də Azərbaycan ECO-ya ev sahibliyi edib. Əslində bu il bu il Zirvə görüşünün Qarabağda, Xankəndidə təşkil edilməsinin xüsusi mənası var. Xankəndindən öncə Ermənistanın işğalından azad edilmiş torpaqlarımızda artıq bir neçə mühüm beynəlxalq tədbir keçirilib.

Zirvə görüşü çərçivəsində təşkilata üzv dövlətlərin liderləri Qarabağda görülən işlərlə yaxından tanış olublar
Türkiyə Prezidenti Rəcəb Tayyib Ərdoğan Zirvə görüşündəki çıxışında Prezident İlham Əliyevin uzaqgörən yanaşması ilə Xankəndi şəhəri tezliklə Qafqazın yeni inkişaf və sülh mərkəzi olacağını vurğuladı. İqtisadi Əməkdaşlıq Təşkilatının (ECO) 17-ci Zirvə görüşün Xankəndidə keçirilməsi də bu tədbirə xüsusi məna qazandırdı".

Deputat vurğulayıb ki, cənab prezident İlham Əliyevin çıxışında Ermənistanın hələ davam etdirdiyi mina terroruna da toxundu:

"Vətən müharibəsindən bu günə qədər 400-ə yaxın soydaşımız mina partlaması nəticəsində həlak olub və ya ağır yaralanıb. Ölkə başçısının çıxışında vurğuladığı digər mühüm məsələ Ermənistandan deportasiya olunmuş Qərbi azərbaycanlıların hüquqlarının təmin olunmasıdır. Keçən ay İslam Əməkdaşlıq Təşkilatının İstanbulda keçirilmiş Nazirlər Şurasında Ermənistandan zorla didərgin salınmış azərbaycanlıların qayıdış hüququna dəstək ifadə edən qətnamənin bütün 57 üzv ölkənin yekdil qərarı ilə qəbul olunmasını yüksək qiymətləndiririk. Bu qətnamə ilə yanaşı, Nazirlər Şurasının yekunlarına dair "İstanbul Bəyannaməsi"ndə indiki Ermənistan ərazisindən zorla qovulmuş azərbaycanlıların geri qayıdış hüququ təsdiqlənir və Ermənistanın Qərbi Azərbaycan İcması ilə dialoqu rədd etməsi qınanılır. Qərbi azərbaycanlıların Ermənistandakı öz dədə-baba torpağına sülh yolu ilə qayıdışının təmin edilməsi sahəsində səylər bundan sonra da davam etdiriləcək".

Deputat Azərbaycan ECO-nun işində həmişə fəal iştirak etdiyini söyləyib:

"ECO-ya üzv ölkələrlə əlaqələrimiz uğurla inkişaf edir. Keçən il tarixdə ilk dəfə olaraq ECO məkanında COP29 konfransı keçirilib. Bu konfransda 197 ölkə, 70 dövlət və hökumət başçısı iştirak etmiş, 77 min şəxs qeydiyyatdan keçmişdir.
Konfransda əldə edilmiş əsas nailiyyətlər inkişaf etməkdə olan ölkələrə maliyyə yardımının 100 milyarddan 300 milyard ABŞ dollarına qədər artırılması, İtki və Zərər Fondunun işlək vəziyyətə gətirilməsi və karbon bazarları barədə razılaşmalardan ibarət olmuşdur. Həmçinin, Azərbaycanın təşəbbüsü ilə bu il ilk dəfə ECO Həftəsi keçirildiyini də qeyd edib. Şuşada ECO-nun Biznes Forumu, Ağdamda Gənclər Forumu, Laçında isə Qadınlar Forumu təşkil edilmişdir. Forumda iştirak etmiş nümayəndələr bu gün burada görülmüş işlərlə bağlı məruzələr təqdim edəcəklər.ECO-nun Azərbaycanda yerləşəcək Tədqiqat Mərkəzinin və Təmiz Enerji Mərkəzinin fəaliyyətə başlamasının təmin olunması istiqamətində işlər davam edir. 2026-cı ilin Şuşa şəhərinin "ECO-nun Turizm paytaxtı" elan edilməsi də bizi qürurlandırdı. Ümumiyyətlə iqtisadi sahədə əməkdaşlığı dərinləşdirmək üçün İqtisadi Əməkdaşlıq Təşkilatının (ECO) 17-ci Zirvə görüşünə müzakirə edilən məsələlər xüsusi əhəmiyyət kəsb edir".

Telegramda izləyin