Sevgilisi ilə danışan şəxsə hücum edərək, onun qulağını kəsdi

İngiltərədə yerləşən gecə klubunda yaşanan dəhşətli hadisədə, qısqanclıq böhranı yaşayan bir kişi, sevgilisi ilə danışan bir nəfərə şüşə qabla hücum edərək onun qulağını kəsib.

Sonxeber.az xarici mediaya istinadən xəbər verir ki, təhlükəsizlik kamerası görüntülərinə əsasən, hücum edən şəxs rəqs meydançasında oturan kişinin üstünə atılaraq, şüşə qabla onun üzünə zərbə endirib.

Hadisə 27 yaşlı Beau Lyons adlı şəxsin sevgilisi Shaunnia Connolly və bir dostu ilə birlikdə Newport şəhərinə getməsi ilə başlayıb. Bir neçə bar gəzən cütlük gecə saat 11 radələrində Mojos adlı gecə klubuna daxil olub. Lyons və Connolly arasında burada qısa mübahisə yaşanıb. Connolly rəqs edərkən Lyons barda gözləyirmiş.

Bu vaxt Shane Edwards adlı bir kişi Connolly ilə rəqs edib və ona içkiyə qonaq edib. Daha sonra baş verənləri xatırlamayan Edwards, gözlərini xəstəxanada, sinəsindən aşağı qan içində açıb.

Şüşə parçaları Edwardsın sol qulağına saplanıb, nəticədə 5 santimetr dərinlikdə kəsik yaranıb və qulağının alt hissəsi demək olar ki, tamamilə qopub. Yaradan sonra infeksiya və eşitmə itkisi baş verib.

Telegramda izləyin