Küləyin aşırdığı ağac 3 nəfəri yaraladı

İstanbulun Beşiktaş rayonunda gövdəsində qismən çürümə olan bir ağac küləyin təsiri ilə aşıb.

Sonxeber.az türk mediasına istinadən xəbər verir ki, hadisə zamanı səki ilə hərəkət edən 3 nəfər ağacın altında qalaraq xəsarət alıb.

Hadisə Sinanpaşa məhəlləsində, Beşiktaş Caddəsində baş verib. Əldə edilən məlumata görə, gövdəsində çürümə olan ağacın bir hissəsi küləyin təsiri ilə aşıb.

Bu zaman səki ilə gedən Yunus Emre Kılıç (22), Ege Yiğit Dehan (23) və Okan Candan (23) ağacın altında qalıb. Hadisə yerinə dərhal polis, təcili tibbi yardım və bələdiyyə əməkdaşları cəlb olunub.

Yaralılar hadisə yerində ilkin tibbi yardım aldıqdan sonra Prof. Dr. Cemil Taşçıoğlu Şəhər Xəstəxanasına aparılıblar. Polis ərazidə təhlükəsizlik tədbirləri görüb, bələdiyyə işçiləri isə yola düşən ağac qalıqlarını təmizləyiblər.

Telegramda izləyin