Pul sayan kassir milyonçu oldu

ABŞ-da yanacaqdoldurma məntəqəsinin kassiri növbəsini dəyişərkən pulların arasında üzərində prezident Con Kennedinin təsviri olan 3,2 milyon dollarlıq nadir sikkə tapıb.

Lent.az xarici mediaya istinadla bildirir ki, Stiv Uitmor günün pullarını sayarkən, onların arasında 50 sentlik qəribə sikkə görüb. Pul digərlərindən fərqli rəngdə olub.

Uitmor numizmatlara müraciət edib və onun 1964-cü ildə Con Kennedinin profili olan 50 sentlik parçanın nadir prototipinin olduğunu öyrənib.

Oxşar sikkələr bu gün də zərb olunur, lakin Uitmorun tapdığı sikkə 90 faiz saf gümüşdən ibarətdir. Artefaktı xüsusilə qiymətli edən onun 1963-cü ilin noyabrında Kennediyə sui-qəsd cəhdindən qısa müddət sonra yaradılmasıdır.

Nəticədə sikkə hərracda üç milyon dollardan çox qiymətə satılıb. "Bir sikkənin bütün biznesimdən daha dəyərli ola biləcəyi fikri inanılmaz bir şey idi" deyə amerikalı bildirib.

Telegramda izləyin