Ayrıldığı keçmiş sevgilisi tərəfindən öldürülən qadının son görüntüsü ortaya çıxıb

Diyarbəkirdə ayrıldığı şəxs tərəfindən güllələnərək öldürülən 22 yaşlı İlayda Alkaşın son görüntüləri ortaya çıxıb.

Sonxeber.az türk mediasına istinadən xəbər verir ki, Diyarbəkirin Yenişehir rayonunda baş verib. Belə ki, 22 yaşlı Alkaş rəfiqəsinin ad gününü qeyd etdiyi Şehitlik məhəlləsindəki binaya girmək istəyərkən ayrıldığı keçmiş sevgilisi C.A. tərəfindən güllələnib.

Gənc qız qanlar içində yerə yıxılıb. 30 yaşlı C.A. isə hadisə yerindən qaçıb. Ətrafdakıların xəbərdarlığından sonra hadisə yerinə təcili tibbi yardım və polis qrupları sövq edilib. İlayda Alkaşa ilkin tibbi yardım göstərildikdən sonra xəstəxanaya çatdırılsa da, həkimlərin bütün səylərinə baxmayaraq, onu xilas etmək mümkün olmayıb.

Hadisədən sonra Alkaşın son görüntüləri ortaya çıxıb. Görüntülərdə gənc qız kafedə dostları ilə mahnı oxuyur.

Polis hər yerdə qaçan şübhəlini axtarır.

Telegramda izləyin