Yem maşınına düşən şəxs həyatını itirdi

Malatyanın Yeşilyurt rayonunda 62 yaşlı bir şəxs yem maşınına düşərək həyatını itirib.

Sonxeber.az türk mediasına istinadən xəbər verir ki, hadisə axşam saatlarında Yeşilyurt rayonuna bağlı Tohma məhəlləsində baş verib. İddialara görə, heyvanlarına yem vermək istəyən Həsən Şahin tövlədə işlək vəziyyətdə olan yem maşınına düşüb. Ailə üzvləri hadisəni görüb dərhal təcili tibbi yardım çağırıblar.

Ağır yaralanan Həsən Şahin Malatya Təhsil və Araşdırma Xəstəxanasına aparılsa da, onun həyatını xilas etmək mümkün olmayıb.

Həsən Şahinin ölüm xəbərini alan yaxınları xəstəxana qarşısında əsəb krizi keçiriblər. Hadisə yerinə çoxsaylı polis əməkdaşı cəlb olunub, xəstəxana ətrafında ciddi təhlükəsizlik tədbirləri görülüb.

Həsən Şahinin cənazəsi ekspertiza üçün Məhkəmə-Tibbi Ekspertiza müəssisəsinə göndərilib.

Hadisə ilə bağlı araşdırma başlanılıb.

Telegramda izləyin