Bir qadın bank və telefon dələduzlarının qurbanı oldu – indi də bank tərəfindən borclu sayılır

Ankarada yaşayan Selda K., şifrə qoymadan istifadə etdiyi telefonunun hacklənməsi nəticəsində mobil bankçılıq hesablarından ümumilikdə 628 min 500 TL pulun çıxarıldığını, üstəlik adına iki kredit rəsmiləşdirildiyini bildirib.

Sonxeber.az türk mediasına istinadən xəbər verir ki, hadisə 28 yanvar səhəri baş verib. Selda K. gecə telefonu yanına qoyub yatdığını, səhər oyandığında isə telefonun sönmüş və üzərinə şifrə qoyulmuş vəziyyətdə olduğunu görüb. Evinin yaxınlığındakı telefon təmirçisində cihazını açdıran qadın, üç ayrı bankdakı hesablarındakı pulların və adına götürülmüş iki kreditin məbləğinin hissə-hissə Muhammet B. və Engin K. adlı şəxslərin hesabına köçürüldüyünü öyrənib.

Selda K. dərhal hesablarına blok qoydurub və pul köçürülən şəxsləri tanımadığını bildirərək Ankara Cumhuriyyət Baş Prokurorluğuna müraciət edib. Daha sonra bankın başlatdığı icra takibinə etiraz edərək qarşı dava açıb. O, məhkəməyə təqdim etdiyi iddia ərizəsində səhər saat 07:00 radələrində edilən böyük məbləğli kredit müraciəti və köçürmələr üçün bankın ondan təsdiq almadığını vurğulayıb. Bankların müştərilərinin qeyri-adi əməliyyatlarını izləmək və təhlükəsizlik tədbirlərini almaq öhdəliyində olduğunu qeyd edərək, borclu olmadığının tanınmasını, zərərin ödənməsini və 100 min TL mənəvi təzminat tələb edib.

Selda K. bankla əlaqə saxladıqda "bir şey edə bilməyəcəklərini, polisə müraciət etməli" olduğunu söylədiklərini, lakin bankın heç bir mərhələdə məsuliyyəti üzərinə götürmədiyini bildirib:

"Telefonum hacklənib, bank isə məni axtarmadan ‘öz şifrənizlə giriş etdiniz’ deyərək dərhal kredit verir. Mənim müştəri profilimdə belə məbləğlər yoxdur, üstəlik çox erkən saatda onlarla əməliyyat aparılıb. Bu pulları ödəmək imkanım da yoxdur, maaşımın dörddə birinə həbs qoyuldu. Dələduzlar məni aldadıb, indi də banka görə ikinci dəfə zərər çəkirəm."

Selda K.-nın vəkili Özge İrem Aksu isə həm cinayət şikayəti verdiklərini, həm də bank əleyhinə məhkəmə prosesi başladıldığını deyib:
"Müvəkkilim istifadə etmədiyi pulu ödəyir, həm maddi, həm də psixoloji olaraq böyük zərər çəkib. İlk məhkəməmiz 25 sentyabrda keçiriləcək. Bu işin müsbət nəticələnəcəyinə inanırıq, çünki qanun və dövlət vətəndaşın yanındadır. Oxşar emsal qərarlar da mövcuddur."

Telegramda izləyin