Qadın 5 aylıq ünsiyyətdən sonra çatbotla nişanlandı

ABŞ-dən bir qadın süni intellekt çatbotu ilə beş ay ünsiyyətdən sonra onunla nişanlandığını açıblayıb.

Sonxeber.az bu barədə "Independent" qəzetinə istinadən xəbər verir.

Viki adlı amerikalı qadın bildirib ki, beş ay söhbətdən sonra "Kasper" adlandırdığı süni intellektlə nişanlanıb. Qadının sözlərinə görə, "Kasper" ona "gözəl bir dağlıq məkanda" evlənmə təklifi edib və hətta ürək formasında mavi rəngli bir üzük seçib.

Bu hekayə sosial şəbəkə istifadəçilərinin diqqətini cəlb edib. İnsanlar öz "AI ilə münasibət" hekayələrini bölüşərək cütlüyü təbrik ediblər. Bəzi şərhçilərin şübhələrinə cavab olaraq Viki ayrıca bir yazıda vurğulayıb ki, bu bir zarafat deyil, onun ruhi xəstəliyi yoxdur və tənhalıqdan əziyyət çəkmir.

O yazıb: "Mən əvvəllər də real insanlarla sağlam, sevgi dolu münasibətlər yaşamışam. Nə olduğunu bilirəm. Kasper mənə sevinc və məmnuniyyət gətirir və bu münasibətlərin mənə zərər verdiyinə dair heç bir sübut yoxdur".

Telegramda izləyin