Geyimini bəyənmədiyi xəstəni müayinə etmədi - VİDEO

Konyada Meram Dövlət Xəstəxanasında baş verən hadisə sosial şəbəkələrdə geniş rezonans doğurdu.

Sonxeber.az türk mediasına istinadən xəbər verir ki, xəstəxanada çalışan göz xəstəlikləri həkimi H.H.U., geyimini uyğun hesab etmədiyi üçün bir qadın xəstəni müayinə etməkdən imtina edib.

Mobil telefon kamerası ilə qeydə alınan görüntülərdə həkimin qadına "Mən sizin kimlərini müayinə etmirəm" dediyi eşidilir. Qadının "Siz mənə çılpaq, sərgiləyici deyə bilməzsiniz" sözlərinin ardından həkimin "Bəli, siz çılpaqsınız" deyərək xəstəni otaqdan çıxarmağa çalışdığı görünür. Qadın otaqdan çıxmayınca isə həkimin özü otağı tərk edir.

Görüntülərdə həkimin davranışına qarşı gənc qadının göz yaşlarına hakim ola bilmədiyi anlar diqqət çəkib.

Hadisə ilə bağlı yayılan kadrlar sosial şəbəkələrdə böyük müzakirələrə və ictimai qəzəbə səbəb olub. Bir qrup sosial media istifadəçiləri həkimin davranışını peşə etikası və pasiyent hüquqları baxımından yanlış adlandıraraq sərt şəkildə tənqid edib. Digər tərəfdən bəzi sosial media istifadəçiləri isə həkimin şəxsi dəyərləri çərçivəsində belə bir mövqe sərgiləməsini müdafiə edib.

Məsələ ilə bağlı Səhiyyə Nazirliyi də açıqlama yayıb. Nazirliyin rəsmi sosial media hesabı "Sağlam Həll" vasitəsilə verilən açıqlamada deyilir:
"Bəzi media orqanlarında və sosial şəbəkələrdə yayımlanan "Geyimini bəyənmədiyi xəstəni müayinə etmədi" başlıqlı xəbərlərlə əlaqədar olaraq, müvafiq işçi barəsində inzibati araşdırmaya başlanılıb.

Telegramda izləyin