22 il boyunca budunda termometr parçasıyla yaşadı

İlk məktəb illərində baş verən bir qəzada, təxminən 2 santimetr uzunluğunda şüşə parça bir qadının buduna ilişib.

Sonxeber.az xəbər verir ki, həmin dövrdə aparılan müayinələrdə parçanın çıxarıldığı düşünülürdü, lakin şüşənin şəffaf quruluşu səbəbindən rentgen müayinələrində fərq edilməyib.

İllər boyunca heç bir simptom göstərməyən yad cisim, qadının velosiped qəzasından sonra edilən 3D KT müayinəsində təsadüfən aşkarlanıb. Görüntülərdə qırıq termometr parçasının pelvisin arxasına ilişdiyi açıq şəkildə görünüb.

Mütəxəssislər parçanın içində civə olmamasının böyük bir şans olduğunu qeyd ediblər. Əgər civə sızsaydı, ciddi zəhərlənmə və həyati təhlükə riski yarana bilərdi. 22 il sonra aşkarlanan şüşə parça uğurla əməliyyatla çıxarılıb, xəstənin vəziyyətinin yaxşı olduğu bildirilib.

Telegramda izləyin