Qızını vəhşicəsinə döyüb binadan atdı

Rusiyanın İrkutsk şəhərində miqrant qızını metal şlanqla döyüb, sonra dördüncü mərtəbədən atıb.

Lent.az yerli mediaya istinadla bildirir ki, hadisə Roza Lyuksemburq küçəsində qeydə alınıb. Hadisənin səbəbi qızın dərslərdə iştirak etməməsi olub.

Prokurorluğun verdiyi məlumata görə, ata qızını məktəbdə olmalı olduğu vaxt küçədə görüb. O, 17 yaşlı qızı döyüb və məcburi şəkildə avtomobilə mindirib. Evdə və yolda kişi yeniyetmə qızını metal şlanqla amansızcasına döyməyə davam edib, sonra isə onu açıq pəncərədən atıb. Qız dördüncü mərtəbədən yıxılıb.

Zərərçəkmişin bədənində müxtəlif dərəcəli çoxsaylı xəsarətlər qeydə alınıb. Yalnız operativ və peşəkar tibbi yardım sayəsində onun həyatını xilas etmək mümkün olub.

Kişi, İstintaq Komitəsinin məlumatına görə, xarici dövlətin vətəndaşıdır və o, operativ qaydada saxlanılaraq həbs edilib. Ona azyaşlını işgəncəyə məruz qoymaq və qətlə cəhd ittihamları irəli sürülüb.

Təqsirləndirilən şəxs törətdiyi əməldə günahını tam etiraf etməyib. Təsdiqlənmiş ittiham aktı ilə cinayət işi mahiyyəti üzrə baxılması üçün məhkəməyə göndərilib.

Telegramda izləyin