Buğa park halında olan avtomobilə ziyan vurdu - VİDEO

İspaniyanın Tendilla şəhərində keçirilən ənənəvi "Qoruyucu Müqəddəslər Festivalı" zamanı boğa qaçışı maraqlı və qorxulu anlara səbəb olub.

Sonxeber.az türk mediasına istinadən xəbər verir ki, parkurdan çıxan əsəbi boğa turistin festival yaxınlığında park etdiyi avtomobilə hücum edərək onu demək olar ki, yararsız hala gətirib.

Hadisə anı kameralarla qeydə alınıb. Avtomobilin arxa və yan hissələrinə ciddi ziyan dəyib. Avtomobil sahibi turist isə bölgədə yaşamadığını, festivaldan xəbərsiz olduğunu və heç bir xəbərdarlıq lövhəsi görmədiyini bildirib. O, avtomobilini istifadə olunmaz vəziyyətdə tapdıqda böyük şok yaşadığını söyləyib.

Hadisənin videosu sosial mediada milyonlarla baxış toplayıb və 21-ci əsrdə hələ də heyvanlara əzab verən festivalların keçirilməsinə etirazlar artıb. İzləyicilər paylaşımlarda "Hər yazın ən utancverici görüntüsü. Heyvanlara işgəncə verməyi dayandırın", "Boğalara belə davranmağı dayandırın", "Suç heyvanda deyil" kimi şərhlər yazıblar.

Telegramda izləyin