Ailəsini öldürməkdə ittiham olunan həkim həbsxanada intihara cəhd etdi

Samsunun Bafra rayonunda həkim Serdar Kıyakın sürdüyü avtomobil 12 sentyabrda Kızılırmak çayına aşıb.

Sonxeber.az türk mediasına istinadən xəbər verir ki,, qəza nəticəsində onun həyat yoldaşı Gülşah Karaman Kıyak və övladı Alperen suda boğularaq həyatını itirib. Avtomobildən çıxmağı bacaran Serdar Kıyak isə yaralı halda xilas edilib.

Hadisə ilə bağlı aparılan istintaq zamanı Gülşah Karaman Kıyakın faciədən az əvvəl ailəsinə telefonla "Məni hədələyir" mesajı göndərdiyi üzə çıxıb. Bu faktlardan sonra Serdar Kıyak "həyat yoldaşını və övladını qabaqcadan plan quraraq qəsdən öldürmə" ittihamı ilə həbs edilib.

Son məlumata görə, Dr. Serdar Kıyak saxlandığı Bafra Qapalı Həbsxanasında özünü asmaqla intihara cəhd edib. Vaxtında müdaxilə edən nəzarətçilər onun həyatını xilas ediblər. Kıyak təcili yardım maşını ilə Bafra Dövlət Xəstəxanasına aparılıb, ilkin tibbi yardımdan sonra isə psixiatriya müayinəsinə göndərilib. Daha sonra təhlükəsizlik məqsədilə Samsun Ruh Sağlığı və Xəstəlikləri Xəstəxanasına yerləşdirilib.

Hadisə Türkiyədə geniş rezonans doğurub. Sosial mediada minlərlə insan ailəsini qətlə yetirməkdə ittiham olunan Kıyaka sərt reaksiyalar göstərib.

Telegramda izləyin