Gənc qızın boğazını kəsən cani Özbəkistanda saxlanılıdı

İstanbulun Aksaray rayonunda dəhşətli qətl hadisəsi baş verib.

Sonxeber.az türk mediasına istinadən xəbər verir ki, sentyabrın 21-də gecə saatlarında əcnəbi Züleyha E.-dən uzun müddət xəbər ala bilməyən qonşular vəziyyəti ev sahibinə bildiriblər. Çilingər köməyi ilə qapı açıldıqdan sonra ev sahibi gənc qadını yataq otağında hərəkətsiz halda tapıb. Hadisə yerinə gələn polis və təcili yardım əməkdaşları onun boğazı kəsilərək qətlə yetirildiyini müəyyən ediblər. Mərhumun meyiti tibbi ekspertiza üçün Məhkəmə-Tibb İnstitutuna göndərilib.

Aparılan araşdırmalar nəticəsində öldürülən qadının Özbəkistan vətəndaşı Xolimaxon Odılovna Axmadova olduğu üzə çıxıb. Təhlükəsizlik kameralarının görüntülərini araşdıran polis, şübhəlinin 17 sentyabrda Axmadova ilə birlikdə mənzilə girdiyini, bir gün sonra isə evi tək başına tərk etdiyini müəyyən edib. Daha sonra şübhəlinin hadisədən sonra ölkəsinə – Özbəkistana qaçdığı məlum olub.

İstanbul Polisi konsulluq vasitəsilə Özbəkistan hüquq-mühafizə orqanları ilə əlaqə saxlayıb. Aparılan birgə əməliyyat nəticəsində şübhəli şəxs – Akmaljon Rustamoviç S. Özbəkistanda yaxalanıb. Onun üzərindən iki mobil telefon götürülüb, onlardan birinin qətlə yetirilən qadına məxsus olduğu müəyyən edilib.

Saxlanılan şəxs dindirmə zamanı cinayəti törətdiyini etiraf edib. İfadəsində qadını sevdiyini, lakin onun tərəfindən aldadıldığını, şantaj yolu ilə pul tələb olunduğunu iddia edib. O, hadisə zamanı hər ikisinin spirtli içki qəbul etdiyini də bildirib. Hazırda şübhəlinin Özbəkistanda istintaqı davam edir.

Telegramda izləyin