Silahlı hücum anbaan kameralara düşdü - VİDEO

Bursanın Osmangazi rayonunda baş verən silahlı hücum təhlükəsizlik kameralarına yansıyıb.

Sonxeber.az türk mediasına istinadən xəbər verir ki, iddiaya görə, aralarında ədavət olan Mert K., yol kənarında gördüyü Orhan Erdemi ov tüfəngi ilə ayağından vurub.

Hadisə səhər saatlarında Fatih məhəlləsində yaşanıb. Spirtli içki mağazasının qarşısında gözləyən Orhan Erdemin yanına gələn Mert K., qısa söhbətdən sonra əlindəki ov tüfəngi ilə atəş açıb. Güllələrin dəyməsi nəticəsində Erdem qan içində yerə yıxılıb.

Ətrafdakıların xəbər verməsi ilə hadisə yerinə polis və təcili tibbi yardım briqadaları göndərilib. Yaralı Orhan Erdem təcili yardım maşını ilə Çekirge Dövlət Xəstəxanasına aparılaraq müalicəyə alınıb.

Silahlı hücumdan sonra hadisə yerindən qaçan Mert K.-nın tutulması üçün polis əməkdaşları əməliyyata başlayıblar. Hücum anı isə təhlükəsizlik kamerasına əks olunub.

Telegramda izləyin