45 yaşlı qadın elektrik qazanının partlaması nəticəsində xəsarət aldı

Antalyanın Qazipaşa rayonunda baş verən hadisədə elektrik qazanı partlayıb, nəticədə bir qadın yaralanıb.

Sonxeber.az türk mediasına istinadən xəbər verir ki, Göçük məhəlləsinin Mərkəz ərazisində yaşayan 45 yaşlı H.G. evində yemək hazırlayarkən elektrikli qazan partlayıb. Qadın üzündən, boynundan və qollarından xəsarət alıb.

Yaralıya ilkin tibbi yardım Qazipaşa Dövlət Xəstəxanasında göstərilib. Daha sonra o, müalicəsinin davamı üçün Antalya Təhsil və Araşdırma Xəstəxanasına göndərilib.

Qadının üzündə və bədəninin müxtəlif nahiyələrində yanıq xəsarətləri olduğu, hazırda müalicəsinin davam etdiyi bildirilib.

Telegramda izləyin