Qadın müştəri marketə iti ilə girdiyi üçün digər müştəri tərəfindən döyüldü - VİDEO

İstanbulun Küçükçekmece rayonunda yerləşən bir marketdə qadın müştəri ilə kişi müştəri arasında başlayan mübahisə şiddət hadisəsi ilə nəticələnib.

Sonxeber.az türk mediasına istinadən xəbər verir ki, qadın marketə iti ilə daxil olub. Digər bir kişi müştəri isə onu "iti çölə çıxar" deyə xəbərdar edib. Bu səbəbdən tərəflər arasında sözlü mübahisə yaranıb.

Mübahisə qısa zamanda şiddətlənib və kişi qadına yumruq atıb. Zərbə qadının qulaq nahiyəsinə dəyib və nəticədə o, yıxılaraq huşunu itirib. Qadın dərhal xəstəxanaya aparılıb, həkimlərin açıqlamasına görə onun qulaq pərdəsi partlayıb.

Hadisədən sonra qadın polisə şikayət edib. Təhlükəsizlik kamerası görüntülərini araşdıran polis şübhəlini saxlayıb. Qadının döyülməsi və yumruq anı isə marketin təhlükəsizlik kamerası tərəfindən anbaan qeydə alınıb.

Hazırda hadisə ilə bağlı istintaq davam etdirilir.

Telegramda izləyin