Bir sürücü yolda dalaşdığı digər sürücünü maşınla əzdi

Ankarada iki sürücü arasında başlayan yol mübahisəsi qısa müddətdə böyüyərək şiddətli davaya çevrilib.

Sonxeber.az türk mediasına istinadən xəbər verir ki, sözlü mübahisə sürətlə fiziki qarşıdurmaya dönüb və tərəflərin ailə üzvləri də hadisəyə qarışıb.

Dava zamanı sürücülərdən birinin avtomobili daşlanıb. Həmin sürücü maşınına minərək ərazidən uzaqlaşmaq istəyib, lakin qəfil sürətlə qaza basaraq qarşısındakı şəxsi əzib.

Hadisənin hansı səbəbdən başladığı hələlik məlum deyil. Lakin mübahisəyə yaxınların da qoşulması ilə gərginlik daha da artıb.

Baş verənlər ətrafdakı vətəndaşlardan biri tərəfindən mobil telefon kamerası ilə anbaan çəkilib. Görüntülərdə sürücünün avtomobillə bir nəfəri əzdikdən sonra sakit şəkildə maşından düşərək hadisə yerində gözlədiyi də əks olunub.

Hadisə ilə bağlı araşdırma aparılır.

Telegramda izləyin