27 yaşlı gənc qətlə yetirildi – qatil qapı önündə gözləyirmiş

İstanbulun Beylikdüzü rayonunda 27 yaşlı gəncin qətlə yetirilməsi ilə bağlı yeni görüntülər ortaya çıxıb.

Sonxeber.az türk mediasına istinadən xəbər verir ki, hadisə dünən səhər saatlarında Gürpınar məhəlləsində baş verib. Fabrikdə işçi kimi çalışan və bir müddət amatör liqalarda futbol oynamış Akın Can Haberveren (27) işə getmək üçün evdən çıxdığı anda silahlı hücuma məruz qalıb.

Qapısının önündə motosikletlə onu gözləyən naməlum şəxs atəş açıb. Ağır yaralanan gənc xəstəxanaya aparılsa da, həkimlərin səylərinə baxmayaraq həyatını xilas etmək mümkün olmayıb.

Ortaya çıxan təhlükəsizlik kamerası görüntülərində isə qatilin motosikletlə evin önündə gözlədiyi, başında kask olduğu halda ətrafa baxaraq müşahidə apardığı anlar əks olunub.

Polis hadisə ilə bağlı istintaqa başlayıb.

Telegramda izləyin