Əməkdar artist 15 ildir teatrdan niyə ayrı düşüb?

"15 ildir ki, teatrdan, səhnədən ayrıyam. Təqaüdçüyəm. Belə bir aktrisanı kim teatra tamaşa oynamağa dəvət edər ki? Bu yaşdan sonra heç özüm də tamaşalarda oynamaram".

Bunu Qaynarinfo-ya açıqlamasında Əməkdar artist Kübra Əliyeva deyib.

Aktrisa fəaliyyətini ancaq televiziya verilişlərində davam etdirdiyini vurğulayıb:

"Aylarla efirlərə dəvət almayan aktyorlar var, amma mən bütün günü efirlərdəyəm. Bir dəqiqə vaxtım yoxdur. Əksər kanallardan dəvət alıram".

Kübra Əliyeva səhhətinin qaydasına düşdüyünü də bildirib:

"İki dəfə yıxılmışdım, birində qıçım, birində qolum əzildi. Nə yeriyə bildim, nə də qolumu tərpədə. Xəstəxanaya düşdüm. Uzun müddət əziyyət çəkdim, amma indi yaxşıyam. Hər şey geridə qaldı, dəvət aldığım bütün telekanallara rahat avtomobilimlə gedib-gəlirəm".

Telegramda izləyin