Müəllimdən nümunəvi davranış

Türkiyənin Ərzurum vilayətinin Yakutiye rayonunda fədakar müəllim Asuman Keskin, boğazına yemək qaçan orta məktəb şagirdini Heimlich manevrası ilə xilas edərək nümunəvi bir davranış sərgiləyib.

Sonxeber.az türk mediasına istinadən xəbər verir ki, hadisə zamanı nahar fasiləsində yemək yeyərkən boğazına qida ilişən və tənəffüs problemi yaşayan şagirdin vəziyyətini dərhal anlayan müəllim Keskin, vaxtında müdaxilə edərək şagirdin həyatını xilas edib.

Yakutiye Rayon Təhsil Müdiri Abdurrahman Gazioğlu baş verən bu hadisədən sonra müəllim Asuman Keskini məktəbdə ziyarət edib.

Ziyarət zamanı həm şagird, həm də müəllimlə söhbət edən Gazioğlu, şagirdə "keçmiş olsun" diləklərini çatdırıb, müəllimə isə həm diqqətli davranışı, həm də insan həyatı xilas etməyə yönəlik bu nümunəvi addımına görə təşəkkür edib.

Telegramda izləyin