Sahildə tapılan müəmmalı dəniz canlısı maraq doğurdu

Tekirdağın Süleymanpaşa rayonunun Beyazköy sahilində çürüməyə başlayan naməlum dəniz canlısı sahilə çıxıb.

Sonxeber.az türk mediasına istinadən xəbər verir ki, Marmara dənizindən sahilə vurduğu ehtimal edilən canlı bölgə sakinlərinin marağına səbəb olub.

Hadisə şahidlərinin sözlərinə görə, sahilə çıxan canlıya baxan insanlar əvvəlcə onun nə növ olduğunu müəyyənləşdirə bilməyiblər. Bəzi sakinlər onun yunus balığı, digərləri isə fok balığı ola biləcəyini irəli sürüblər.

Məsələ ilə bağlı məlumat verildikdən sonra əraziyə bələdiyyə əməkdaşları cəlb olunub. Onlar çürüməyə başlayan dəniz canlısını sahildən götürərək araşdırma aparılması üçün müvafiq qurumlara təhvil veriblər.

Hadisə ilə bağlı araşdırma davam edir.

Telegramda izləyin