Qadın ütü aparatına əlini saldı – üçüncü dərəcəli yanıqla xəstəxanaya yerləşdirildi - VİDEO

Bursanın İnegöl rayonunda tələbə yataqxanasında işləyən 38 yaşlı qadın iş zamanı ağır xəsarət alıb.

Sonxeber.az türk mediasına istinadən xəbər verir ki, hadisə Kemalpaşa məhəlləsində yerləşən yataqxanada baş verib.

Yataqxanada çalışan Elif A. merdanəli (silindrli) ütü ilə paltar ütüləyərkən parçanın sıxışdığını görüb və onu çıxarmağa çalışarkən hər iki əlini cihazın içinə salıb.

Əllərini böyük çətinliklə çıxara bilən qadın hadisə yerinə çağırılan təcili yardım maşını ilə İnegöl Dövlət Xəstəxanasına aparılıb. Əllərində üçüncü dərəcəli yanıq xəsarətləri olan Elif A.-ya ilkin tibbi yardım göstərildikdən sonra o, Bursa Şəhər Xəstəxanasının Yanıq Bölməsinə köçürülüb.

Hadisə ilə bağlı araşdırma aparılır.

Telegramda izləyin