Alimlər: Yerin oxu insan səhvinə görə əyilib

Koreyalı alimlərin rəhbərlik etdiyi beynəlxalq tədqiqatçılar qrupu bildirib ki, yeraltı sularının həddindən artıq çıxarılması Yer oxunun yerdəyişməsinə səbəb ola bilər.

Sonxeber.az verir ki, tədqiqatın nəticələri "Geophysical Research Letters" (GRL) jurnalında dərc olunub.

Alimlərin məlumatına görə, 1993–2010-cu illər arasında təxminən 2150 qiqaton su torpaqdan çıxarılıb və bu suların böyük əksəriyyəti okeanlara axıb. Tədqiqatçıların hesablamalarına görə, bu, su səviyyəsinin altı millimetr yüksəlməsinə səbəb olub ki, bu da planetin oxunun təxminən 86,5 santimetr dəyişməsinə bərabərdir.

Mexanizm impuls momentinin qorunması prinsipi ilə izah olunur: planetdə kütlənin yenidən paylanması onun fırlanma xarakterini dəyişə bilər. Əvvəllər yer oxunun hərəkəti əsasən buzlaqların əriməsi ilə əlaqələndirilirdi, indi isə alimlər diqqəti yeraltı suların hərəkətinə yönəldirlər.(qaynarinfo)

Telegramda izləyin