15 yaşlı sürücü polisə tabe olmadı – Qaçarkən yaxalandı və cərimələndi - VİDEO

Aksarayda 15 yaşlı, sürücülük vəsiqəsi olmayan yeniyetmə polisə "dayan" əmrinə tabe olmayaraq qaçmağa cəhd edib.

Sonxeber.az türk mediasına istinadən xəbər verir ki, hadisə Paşacık məhəlləsi, Atatürk Bulvarında baş verib. Məlumata görə, ərazidə nəzarət aparan Asayiş və Yol Polisi şöbəsinin əməkdaşları, şübhəli hərəkət edən 71 ACP 895 nömrəli avtomobilə dayanmaq əmri verib. Sağ zolaqda dayanmaq əvəzinə sol zolağa keçərək qaçmağa çalışan sürücü, avtomobilin qarşısını kəsən polis tərəfindən dayandırılıb.

Polis əməkdaşları təhlükəsizlik məqsədilə silahını əlində hazır vəziyyətdə saxlayıb. Avtomobil saxlanıldıqdan sonra sürücünün 15 yaşlı, sürücülük vəsiqəsi olmayan F.G.O. olduğu, yanındakı qadının isə onun bacısı olduğu müəyyən edilib.

Bununla bağlı yeniyetmə sürücüyə vəsiqəsiz avtomobil idarə etdiyi üçün 18 min 677 lirə, avtomobilin sahibi olan şəxsə isə vəsiqəsiz sürücüyə avtomobil verdiyi üçün eyni məbləğdə cərimə kəsilib. Ümumi cərimə məbləği 37 min 354 lirə təşkil edib. Avtomobil isə hadisə yerinə çağırılan yeniyetmənin ailəsinə təhvil verilib.

Telegramda izləyin