Kişi boşandığı həyat yoldaşını tüfənglə yaralayıb qaçdı - VİDEO

Muş şəhərində boşandığı həyat yoldaşını pompalı tüfənglə vuraraq yaralayan şəxs polis tərəfindən saxlanılıb.

Sonxeber.az türk mediasına istinadən xəbər verir ki, hadisə Yeşilyurt məhəlləsində axşam saatlarında baş verib. Məlumata görə, Yasemin D. boşandığı həyat yoldaşı E.Ö. tərəfindən tüfənglə vurularaq ağır yaralanıb. Atəş səsləri məhəllə sakinləri arasında böyük qorxu və həyəcan yaradıb.

Məlumat üzərinə əraziyə təcili tibbi yardım və polis əməkdaşları cəlb edilib. Yaralı qadına hadisə yerində ilkin tibbi yardım göstərildikdən sonra o, ağır vəziyyətdə xəstəxanaya çatdırılıb. Onun "qırmızı zona"da müalicəsinin davam etdiyi bildirilib.

Hadisədən sonra qaçan E.Ö. Muş Polis İdarəsinin əməkdaşları tərəfindən qısa zamanda saxlanılıb. Şübhəlinin polis idarəsindəki prosedurlarının davam etdiyi qeyd olunub.

Baş verən panika anlarının bir sakinin mobil telefon kamerasına da əks olunduğu məlum olub.

Telegramda izləyin