Eyni bankın 15 fərqli bankomatından minlərlə pul ogurladı

İstanbulda bir bankaya məxsus 15 müxtəlif bankomatdan ümumilikdə 199 min 760 lirə oğurlayan şəxs polis əməliyyatı ilə saxlanılaraq həbs edilib.

Sonxeber.az türk mediasına istinadən xəbər verir ki, 21 aprel–18 noyabr tarixləri arasında şəhər üzrə bankomatlardan dəfələrlə pul oğurluğu halları qeydə alınıb. İstanbul Polisi Hırsızlık Büro Amirliyinin apardığı araşdırma nəticəsində eyni banka aid 15 ayrı bankomatda baş verən 38 oğurluq hadisəsinin eyni şəxs tərəfindən törədildiyi müəyyən edilib.

Kameralara düşən görüntülərdə şübhəlinin üzünü maska ilə gizlətdiyi, motosiklet dəbilqəsi taxdığı və əlinə aldığı alətlərlə bankomatların pul qəbul edən hissələrini zorla açaraq pulu götürdüyü görünür.

Polis Esenyurtda keçirdiyi əməliyyatla T.K.-nı saxlayıb.

Asayiş Şöbəsindəki prosedurlar başa çatdıqdan sonra o, məhkəməyə çıxarılaraq həbs olunub və cəzaçəkmə müəssisəsinə göndərilib.

Telegramda izləyin