"Türk dünyasının hazırkı yüksəlişi həm siyasi, həm də iqtisadi baxımdan mühüm bir mərhələyə işarə edir" - AÇIQLAMA

Bu gün Türk dünyası özünün yüksəliş dövrünü yaşayır.

Bu fikirlər Prezident İlham Əliyevin Türk Dövlətləri Təşkilatına üzv ölkələrin qeyri- hökumət təşkilatlarının həmrəylik forumunun iştirakçılarına ünvanlandığı müraciətdə yer alıb.

"Beş il əvvəl qazandığımız Qarabağ Zəfəri türk xalqlarının ümumi sevinci və qürur mənbəyidir. İnanıram ki, hazırda yenidən qurulan Qarabağ və Şərqi Zəngəzur iqtisadi rayonları, açılacaq Zəngəzur dəhlizi türk dövlətləri arasında əməkdaşlığın inkişafında və möhkəmlənməsində mühüm rol oynayacaq", müraciətdə deyilir.

"Türk dünyasının hazırkı yüksəlişi həm siyasi, həm də iqtisadi baxımdan mühüm bir mərhələyə işarə edir" , - bunu Sonxeber.az -a açıqlama verən politoloq Tural İsmayılov deyib:

"Prezident İlham Əliyevin qeyri-hökumət təşkilatlarının forumunda vurğuladığı Qarabağ Zəfəri, sadəcə hərbi uğur deyil, eyni zamanda türk xalqları arasında həmrəylik və ortaq iradənin simvoludur. Beş il əvvəl əldə olunan zəfər, türk dünyasının birgə potensialının konkret göstəricisidir. Yenidən qurulan Qarabağ və Şərqi Zəngəzur iqtisadi rayonları yalnız Azərbaycanın deyil, bütün türk dövlətlərinin iqtisadi dinamikasını gücləndirəcək. Zəngəzur dəhlizinin açılması regionda nəqliyyat və ticarət bağlantılarını genişləndirəcək, türk dövlətlərinin bir-birinə inteqrasiyasını sürətləndirəcək. Bu, həmçinin Avrasiya iqtisadi və geosiyasi xəritəsində türk dövlətlərinin mövqeyini daha da gücləndirəcək. İlham Əliyev mesajında əməkdaşlığın yalnız siyasi razılaşmalarla deyil, həm də iqtisadi layihələrlə möhkəmlənəcəyini önə çəkir. Qarabağ və Şərqi Zəngəzur iqtisadi rayonları regional investisiyaların cəlb edilməsi üçün əsas dayağa çevriləcək. Türk dövlətlərinin birliyi həm də beynəlxalq səhnədə kollektiv güc nümayişi deməkdir. Forumun qeyri-hökumət təşkilatlarına yönəlməsi isə vətəndaş diplomatiyasının önəmini göstərir. Bu cür platformalar xalqlar arasında mədəni və iqtisadi əlaqələrin dərinləşməsinə xidmət edir. İlham Əliyev həm tarixi qələbəni, həm də gələcək perspektivləri eyni çərçivədə təqdim edir. Zəfər və iqtisadi inkişaf mesajı türk dünyasında bir inam dalğası yaratmağa hesablanıb. Bu proses uzunmüddətli strateji baxış və regional liderlik tələb edir. Nəticə etibarilə, Azərbaycan yalnız öz inkişafını deyil, bütün türk dünyasının yüksəlişini gücləndirən mərkəz rolunu oynayır".

Telegramda izləyin