Polisə bıçaq çəkən şəxs görün necə zərərsizləşdirildi

Kocaelinin Gölcük rayonunda polisə müqavimət göstərən və açılan atəşlə zərərsizləşdirilən şübhəli S.T.-nin əlindəki bıçaqla insanlara qorxu dolu anlar yaşatdığı görüntülər üzə çıxıb.

Sonxeber.az türk mediasına istinadən xəbər verir ki, hadisə günorta saat 14:00 radələrində Mərkəz məhəlləsi, Cumhuriyyət küçəsində baş verib. Ərazidə patrul xidməti aparan polis əməkdaşları barəsində axtarış qərarı olan 33 yaşlı S.T.-ni görüblər. İddiaya görə, polisin "dayan" xəbərdarlığına tabe olmayan və əlindəki bıçaqla müqavimət göstərən şübhəliyə atəş açılıb və o, qarın nahiyəsindən yaralanıb.

Hadisə ilə bağlı 112-yə edilən zəngdən sonra əraziyə təcili tibbi yardım briqadası çağırılıb. İlk tibbi müdaxilədən sonra S.T. Gölcük Necati Çelik Dövlət Xəstəxanasına aparılıb. Onun həyati təhlükəsinin davam etdiyi bildirilib.

Digər tərəfdən, S.T.-nin polis tərəfindən zərərsizləşdirilməsindən bir neçə dəqiqə əvvəlki dəhşətli görüntülər də yayımlanıb. Mobil telefonla çəkilmiş kadrlarda S.T.-nin bir ədviyyat dükanına daxil olduğu, polisin ona bibər qazı tətbiq etməyə çalışdığı, şübhəlinin əlindəki bıçaqla çölə qaçdığı görünür. Ardınca bir neçə güllə səsi eşidilir və sonda zərərsizləşdirilmiş vəziyyətdə yerə uzandığı əks olunur.

Telegramda izləyin