Parkda oynayan uşaqları elektrik cərəyanı vurdu

Bağcılar rayonunda yerləşən bir parkda oyuncaq motosikletə minən 5 uşaq elektrik cərəyanı vurması nəticəsində xəsarət alıb.

Sonxeber.az türk mediasına istinadən xəbər verir ki, xəstəxanaya aparılan uşaqların vəziyyətlərinin yaxşı olduğu bildirilib.

Hadisə saat 14:00 radələrində Hürriyyət məhəlləsindəki Plevne Parkında baş verib. Məlumata görə, Nevin Mehmet Bilginerde birinci sinifdə oxuyan 5 şagird məktəbdən sonra parkda oynamağa başlayıb. Jetonla işləyən oyuncaq motosikletlərə minən uşaqları elektrik cərəyanı vurub.

Parkdakı şahidlərin məlumatı əsasında hadisə yerinə təcili tibbi yardım və polis qrupları cəlb olunub. Tibb işçiləri ilkin yardımdan sonra uşaqları yaxınlıqdakı xəstəxanalara yerləşdirib. Uşaqların vəziyyətinin stabil olduğu açıqlanıb.

Bağcılar Bələdiyyəsinin əməkdaşları parkı müvəqqəti olaraq bağlayıb. Polis hadisə ilə bağlı araşdırmaya başlayıb.

Telegramda izləyin