Qadın qarın ağrısı ilə xəstəxanaya getdi, içindən görün nə çıxdı - VİDEO

Mardində yaşayan 45 yaşlı Gülsümə Önal uzun müddətdir qarın boşluğunda böyüyən kütlənin həyat keyfiyyətinə ciddi təsir göstərməsi səbəbilə Şanlıurfa Harran Universiteti Xəstəxanasına müraciət edib.

Sonxeber.az türk mediasına istinadən xəbər verir ki, şiddətli qarın ağrısı şikayəti ilə xəstəxanaya təkərli kreslo ilə gətirilən qadının müayinələri zamanı qarın boşluğunu böyük ölçüdə dolduran, həyati orqanlara və əsas damar toxumalarına sıx şəkildə yapışmış 30x40 santimetr ölçülü retroperitoneal şiş aşkarlanıb.

Xəstəxananın Ümumi Cərrahiyyə Anabilim Dalının müəllimi və Orqan Köçürmə Mərkəzinin məsul şəxsi Prof. Dr. Faik Tatlı və komandası tərəfindən şiş uğurla çıxarılıb. Prof. Tatlı əməliyyatdan sonra verdiyi açıqlamada şişin yoğun bağırsağın bir hissəsini və böyük damarların ətrafını sardığını bildirərək deyib:

"Şişi həyati quruluşlara zərər vermədən bütöv şəkildə çıxarmağı bacardıq. Tümörün çəkisi 15 kilo 800 qram olaraq ölçüldü. Xəstəmiz əməliyyatdan əvvəl yeriyə bilmirdi, lakin əməliyyatdan sonra öz gücü ilə yeriyə bildi və sağlam şəkildə evə buraxıldı."

Ümumi Cərrahiyyə Anabilim Dalının digər müəllimi Dr. Fırat Erkmen də xəstənin həyatına toxuna bilməkdən böyük qürur duyduqlarını söyləyib.

Sağlamlığına qovuşmağın sevincini yaşayan Gülsümə Önal isə hisslərini belə ifadə edib:
"İllərdir böyüyən bu kütlə məni həyatdan ayırmışdı. İndi nəfəsim rahatdır, yeriyə bilirəm, hətta köhnə paltarlarım belə mənə böyük gəlir. Bu komanda mənə həyatımı geri qaytardı."

Qadın təkərli kreslo ilə daxil olduğu xəstəxanadan əməliyyat sonrası öz ayaqları ilə çıxaraq evinə yola salınıb.

Telegramda izləyin