Bacısına elə bir zarafat etdi ki, polislər tərəfindən saxlanıldı! - VİDEO

Aydının Efeler rayonunda qeyri-ciddi "zarafat" böyük narazılığa səbəb olub.

Sonxeber.az türk mediasına istinadən xəbər verir ki, kafedə oturan bacısının yanına gələn 20 yaşlı M.Ö., yanında gətirdiyi oyuncaq silahı bacısının başına dirəyərək zarafat etmək istəyib.

Hadisə Girne Məhəlləsindəki bir kafedə baş verib. M.Ö. bir dostu ilə kafedə oturan bacısının masasına yaxınlaşıb və qəfil çıxardığı silahı onun başına dayayıb. Gənc qız bir neçə anlıq şok yaşasa da, hadisə qısa müddətdə sakitləşib.

Görüntülər sosial mediada yayıldıqdan sonra bir çox vətəndaş hadisəyə sərt reaksiya göstərib. Şikayətlərdən sonra hərəkətə keçən polis qısa zamanda M.Ö.-nü saxlayıb.

Bacısının şikayətçi olmadığı bildirilən M.Ö.-nün polis bölməsindəki prosedurlarından sonra sabah məhkəməyə çıxarılacağı qeyd edilib.

Telegramda izləyin