Enerji stansiyasında "zarafat" faciəyə çevrildi: işçinin bağırsağı partladı - VİDEO

Bolunun Göynük rayonunda yerləşən enerji stansiyasında işçilər arasında edilən təhlükəli "zarafat" ağır yaralanma ilə nəticələnib.

Sonxeber.az türk mediasına istinadən xəbər verir ki, stansiyada çalışan bir işçi, həmkarı Ö.K.-yə zarafat məqsədilə kompressorla anüs nahiyəsindən hava sıxıb. Hadisə nəticəsində Ö.K.-nin yoğun bağırsağı yırtılıb.

Hadisə təxminən beş gün əvvəl baş verib. Ö.K. vəziyyəti pisləşdikdən sonra öz imkanları ilə Bolu Abant İzzet Baysal Təhsil və Araşdırma Xəstəxanasına müraciət edib. Müayinə zamanı onun yoğun bağırsağında ciddi zədələnmə aşkarlanıb və dərhal əməliyyata alınıb. Əməliyyatın uğurlu keçdiyi, işçinin səhhətinin isə yavaş-yavaş yaxşılaşdığı bildirilib.

Hadisəni törədən işçi jandarma tərəfindən saxlanılıb. İstintaq tədbirlərinin ardından məhkəməyə çıxarılan şəxs tutularaq həbsxanaya göndərilib.

İşçilər arasında baş verən bu hadisə bölgədə böyük narahatlıqla qarşılanıb və məsələ ilə bağlı araşdırma davam etdirilir.

Telegramda izləyin