"Ayasofya" məscidinin önündə rəqs edən yunanlar tənqid edilir - VİDEO

Yunanıstandan İstanbula gələn 3 qadın və 3 kişidən ibarət rəqs qrupunun Ayasofya Camisinin qarşısında sirtaki oynaması sosial mediada böyük rezonans doğurub.

Sonxeber.az türk mediasına istinadən xəbər verir ki, qrupun paylaşımında "Şəhərin müqəddəs torpaqlarında rəqs edirik" sözlərini yazması reaksiyaları daha da artırıb.

Sosial media istifadəçilərinin böyük hissəsi, tarixi və dini əhəmiyyətə malik bir məscidin qarşısında belə bir nümayiş keçirilməsini "həssasiyyətləri hədəfləyən bir təxribat" kimi qiymətləndirib.

Paylaşımın, Ayasofyanın statusunu yenidən müzakirəyə çıxarmaq və Türkiyənin mədəni-dini dəyərləri üzərindən təhrik yaratmaq məqsədi daşıdığına dair şərhlər diqqət çəkib.

Hadisə qısa müddətdə geniş müzakirələrə səbəb olaraq gündəmin əsas mövzularından birinə çevrilib.

Telegramda izləyin