Gənc sürücü maşında yanaraq həyatını itirdi - VİDEO

Karabükün Safranbolu rayonunda baş verən ağır yol-nəqliyyat hadisəsi bir ailəni yasa boğub.

Sonxeber.az türk mediasına istinadən xəbər verir ki, faciə Karabük–Bartın yolu üzərində, Tayyip kəndi yaxınlığında baş verib. Ferhat Yıldırımın idarə etdiyi 18 ABH 243 dövlət nömrə nişanlı avtomobil sürücünün idarəetməni itirməsi nəticəsində yol kənarındakı ağaca çırpılıb. Güclü zərbədən sonra avtomobil qısa müddətdə alovlanaraq tamamilə yanıb.

Qəzanın şahidləri dərhal hadisə barədə aidiyyəti qurumlara məlumat verib. Əraziyə sağlamlıq, polis, jandarma, AFAD və yanğınsöndürmə briqadaları cəlb olunub. Hadisə yerinə çatan yanğınsöndürənlər alovu nəzarətə alaraq söndürüb.

Tibb işçilərinin apardığı yoxlamada Ferhat Yıldırımın toqquşma anında həyatını itirdiyi müəyyən edilib. Onun nəşi prokurorluq baxışından sonra xəstəxananın morquna təhvil verilib.

Qəzanın başvermə səbəbi ilə bağlı polis və jandarma tərəfindən araşdırma davam etdirilir.

Telegramda izləyin