Tətildə ölən turistin ürəyini oğurladılar - ŞOK HADİSƏ

GKRY-də müəmmalı hadisə: İngiltərəyə göndərilən mərhumun ürəyinin oğurlandığı üzə çıxdı

Güney Kıbrıs Rum İdarəetməsində (GKRY) ailəsi ilə tətil zamanı vəfat edən 76 yaşlı Maykl Qreylinin cəsədi İngiltərəyə göndərildikdən sonra aparılan ikinci incələnmədə dəhşətli fakt aşkarlanıb — mərhumun ürəyi oğurlanıb.

Sonxeber.az xarici mediaya istinadən xəbər verir ki, Qreylinin tətil zamanı ayağındakı uyuşma səbəbilə xəstəxanaya aparıldığı, lakin təxminən 10 dəqiqə sonra ailəsinə onun həyatını itirdiyi bildirilib. Ailə incələnmədən sonra cəsədin İngiltərəyə gətirilməsini təmin edib, lakin GKRY tərəfindən təqdim edilən sənədlərdə ölüm səbəbi göstərilməyib.

Rochdale Ədli Tibb İdarəsində aparılan ikinci otopsiya isə şok həqiqəti üzə çıxarıb: Qreylinin ürəyi cəsəddə olmayıb. Mərhumun həyat yoldaşı İvonn Qreylinin sözlərinə görə, ürək GKRY-də naməlum şəxslər tərəfindən çıxarılıb və dövrəyə verilən sənədlərdə bununla bağlı heç bir məlumat yer almayıb.

İvonn Qreyli verdiyi açıqlamada vəziyyəti öyrənəndə sarsıldığını bildirib: "Bizə nə ürəyin niyə çıxarıldığını, nə də harada saxlanıldığını deyən olmadı."

Hadisədən sonra ailə GKRY rəsmilərinə müraciət edərək ürəyin harada olması ilə bağlı məlumat tələb edib.

GKRY polisi isə məsələ ilə bağlı rəsmi istintaqa başladığını açıqlayıb.

Telegramda izləyin